Како што најавија претставниците на Google на конференцијата одржана на 10 јули  Google Street View од денеска е достапен и во Србија.

Се што е потребно за да му пристапите е на Google мапите е да зумирате на најниско ниво или едноставно да ја повлечете портокаловата Pegman иконката од левата страна, на улицата која е со плава боја, и можете виртуелно да се движите низ улиците на Белград, Нови Сад и Ниш, уживајќи во приказот од 360 степени.

Овие денови Street View возилата повтроно ќе бидат на улиците на Србија, со цел да се обезбеди покриеност и низ другите градови и локации во Србија - така да пазете можеби во тој момент ќе ве снимаат вас доколку сте на некое од тие места.

Street View е бесплатна опција на Google мапите која е претставена во мај 2007 година и до сега е достапна во 57 земји ширум светот. Таа овозможува виртуелно истражување и прошетка низ градовите преку панорамски слики направени на ниво на улиците. Достапна е и на  Google Earth и Google Maps за мобилни уреди.