Европската унија речиси две години не воведува забрана за најмалку 31 пестицид за кои научно истражување предупредува на хемикалии поврзани со деформација на фетус, генетски мутации, неплодност и други болести, јавува британскиот весник „Гардијан“.

Научното истражување препорачува идентификување и категоризирање на канцерогените хемикалии што влијаат на ендокриниот состав (ЕДЦ) и предизвикуваат серија несакани ефекти. Според необјавената студија, ризикот од изложеност и на мала количина ЕДЦ е голем и тоа е доволна причина за забрана на хемикалијата. ЕУ врз основа на истражувањето можела и требала да забрани голем број производи веќе предминатата година, пишува весникот „Гардијан“. Извори од Комисијата тврдат дека истражувањето е „закопано“ од страна на високи европски официјални претставници под притисок на компании што употребуваат хемикалии ЕДЦ во голем број производи. Притисокот од големите индустриски играчи, како Баерн и БАСФ, бил премногу голем, а според извори од Комисијата, построгите критериуми на контрола предложени од истражувањето се отфрлени и применети поблаги мерки. Минатиот месец 11 европарламентарци упатија писмо до еврокомесарот за здравство и безбедност на храна, Вутени Андриукатис, во кое се бара од ЕУ да го почитува мандатот и да усвои построги критериуми за ЕДЦ. Опасните хемикалии се предмет на судска постапка покрената од Шведска, ЕП и од Советот на Европа.