Циклонот Давид вечерва продолжи со интензивни врнежи но од снег  на повеќе места ширум западна и источна Македонија.

Засега нема предизвикани штети и проблеми а снабдувањето со електрично напојување се одвива нормално.

Во Скопје и околината има вренежи од дожд додека врнежи од снег има во Охридско, на Стража, Демир Хисар, Пелагонија, Делчево,  Попова Шапка, во Маврово и на Кожуф.

АМСМ вечерва информираше дека поради обилни врнежи од снег, е воведена забрана за движење на тешки товарни возила на планинскиот премин Пресека. Притоа се препорачува да не се патува во текот на ноќта доколку не е итно.

Екипи на Македонија пат се на терен.

Читател од источниот регион ни испрати фотографии за моменталната состојба во градот Делчево.