- Дизајнот, динамиката и квалитетот на изработка на LC 500 / 500h го позиционираат автомобилот како еден од предводниците на Lexus 

- Луксузното купе е олицетворение на новата архитектура на брендот, која ветува исклучителни перформанси и динамика

- Симбол на еволуцијата во развојот на автомобилите, LC е врвот во взаемната работа помеѓу дизајнерските и инженерските тимови 

LC го означува почетокот на новата фаза во развојот на брендот Lexus.  Овa луксузно купе ги комбинираа инженерската совршеност и експресивниот дизајн со кој се поставуваат нови стандарди за динамика, стил и квалитет на изработка.

LC e создаден врз основа на комплетно нова конфигурација на задниот пренос кој сега е многу прецизно направен, и ветува многу емоции зад управувачот, како никогаш до сега. Инспириран од наградуваниот LF-LC прототип кој својата премиера ја направи во 2012, LC е автомобил со невидени достигнувања.

Разбивајќи ги стериотипите во индустријата, инженерите и дизајнерите на Lexus работеа неуморно, за да го претворат LC од неверојатен концепт во реалност. Исто како и светски познатиот суперавтомобил LFA, LC исто така е создаден од страна на TAKUMI мајсторите. Нивното над 20-годишно искуство им овозможува да ги откријат дури и најмалите несовршенства.

При развојот на автомобилoт, Lexus направи се што беше возможно за максимално да го задржи оригиналниот дизајн на концепт моделот LF-LC. Она што се наоѓа под прекрасните линии, е исто толку импресивно – LC е првиот модел на брендот, кој ја користи платформата Lexus Global Architecture – Luxury (GA-L), која обезбедува низок центар на гравитација како и оптимална распределба на тежината. Сето тоа придонесува за исклучително возачко искуство и стабилност, она кое што го очекуваат и клиентите на ова престижно купе

LEXUS LC 500

Моќноста на задните тркала на LC 500 е доверена на докажаниот, високовртежен 5.0-литарски V8 мотор, познат од RC F и GS F . Атмосферската погонска единица беше избрана поради флуидната, линеарна реакција на гаста и исполнителниот звук кој буди емоции при забрзувањето. Целосно алуминиумскиот V8, 32- вентилски мотор испорачува 477 к.с. и 540 Њм вртежен момент.

Преносот на вртежниот момент кон задните тркала се препишува на првата во светот 10-степена автоматска трансмисија, вградена во лускузен автомобил, кое има време на реакција на промена на степен на брзина сличен на оној кај менувачите со две ламели. Комбинацијата од високотехнолошка платформа и погон му обезбедуваат на LC 500 динамика и управување, невообичаени за купе со четири места и забрзување од 0-100 км/ч за 4.7 секунди.

LEXUS LC 500h 

Комплетно новиот LC 500h ги надминува воспоставените граници на познатата хибридна технологија и оди подалеку, претставувајќи го за прв пат во светот системот Multi Stage Hybrid. Технологијата комбинира 3,5-литарски бензински V6 мотор и хибридна трансмисија со два мотори-генератори e-CVT, во комбинација на четиристепен автоматски редуктор. Целокупниот ефект е 10-степена хибридна автоматска трансмисија, која што ја пренесува моќноста од 359 к.с. кон задните тркала. Резултатот е побрза и подиректна реакција на педалата за гас – нешто, што лесно може да го почуствувате при стартувањето на автомобилот. 

Комбинацијата на високотехнолошка платформа и револуционерниот хибриден систем Multi Stage Hybrid му обезбедуваат на LC 500h динамика и управување, еднакви на бензиската V8 верзија на моделот – забрзување 0-100 км/ч под 5.0 секунди. 

Системот Multi Stage Hybrid нуди голем број на предности во однос на реакцијата при додавање на гас, возењето при висока брзина при ниски вртежи на моторот и можноста за возење на висока патна брзина со исклучен бензински мотор – до 140 км/ч. Во исто време, вкупната ефикасност на користењето на гориво и емисијата на издувни гасови се подобрени, како и акумулирањето на енергија, но и главниот печат на сите Lexus хибриди – флуидна, тивка и софистицирана работа на системот.

Основана во 1989 г, Lexus доби светска слава како компанија, која се стреми кон совршенство, извонреден квалитет и софистицирана високотехнолошка содржина на своите производи. Денес Lexus е четвртата по продажба луксузна марка во светот. 

Задржувајќи ги традиционалните вредности на Lexus, како што е ненадминливата висококвалитетна изработка, комфорот и луксузот во внатрешноста, Lexus во моментот ја обновува својата гама на автомобили, со пуштање на пазарот на нов бран на екслкузивни и возбудливи производи, со најмодерни технологии.

 Денес Lexus останува првиот и единствен луксузен производител на автомобили, кој нуди широк спектар од 9 хибрида, кои се состојат од CT 200h, IS 300h, RC 300h, GS 300h, GS 450h, LC 500h, LS 500h, NX 300h и RX 450h.

 Но дури и совршениот автомобил е ништо без совршена грижа кон клиентот. Горди сме да информираме дека секој Lexus стандардно располага со фабричка гаранција од 6 години / 200 000 км , како и 10 години бесплатна грижа за хибридната батерија.