Цените наведени во кафуле во Франција сугерираат дека учтивоста значително може да ја намали сметката на клиентот , објави CNBC . Ако човек едноставно нарача „едно кафе " во кафулето Le Petite Syrah во Ница , тоа ќе го чини 7 евра, според натписот кој ги пречекува клиентите во локалот. Ако сепак клиентот додаде едно „Ве молам" , цената паѓа до 4,25 евра. Ако пак клиентот се потруди да нарача со зборовите „Добро утро , кафе , Ве молам“ попуст за учтивост станува уште поголем и кафето веќе чини само 1,4 евра. „Со жена ми имаме мало местенце", вели сопственикот Фабрис Пепино . „Почнавме да забележуваме дека луѓето се по малку груби и под стрес и понекогаш дури и се однесуваат грубо со нас кога нарачуваат кафе “. Поставениот натпис во локалот бил инспириран од слични натписи кои тој ги  видел во Италија и на други места во Франција , а започнало како шега. Пепино никогаш не земал повеќе од 1,4 евра за кафе . „Дури не мислам дека тоа е легално ," вели тој . Ова сепак ги натерало неговите клиенти да се однесуваат поинаку . „Отпрвин тие почнаа дури и да велат „Здраво ваше височество , ќе ми сервирате ли едно од вашите убави кафулиња“, обидувајќи се дури у да бидат уште повеќе учтиви, за да добијат бесплатно кафе . Тоа сепак најмногу ги забавува клиентите и ги тера да се опуштаат . „Натписот нè потсетува дека сеуште сме човечки суштества. Без разлика дали клиент е и самиот претседател на земјата ", вели тој . Пепино е изненаден дека слика од натписот во локалот, станува хит на интернет , откако француски новинар кој минувал оттаму ја пуштил на Twitter. Од француски телевизии почнале да му се јавуват, сакајќи да направат репортажа за локалот. „Животот е премногу брз. Премногу стрес има во овој свет“, додава Пепино.