Во чест на загинатиот 13-годишен велосипедист Давид Ангеловски, денеска во Градскиот парк во Скопје беше поставен бел точак.

„Бели велосипеди (white cycle или ghost bikes) се ставаат насекаде по светот, во близина на места каде велосипедист бил убиен во сообраќај во спомен и чест на загинатиот, но и како потсетник за возачите кои минуваат покрај него.

Бел точак за спомен е поставен на влезот од Градски парк, веројатно за да не потсетува на Давид кој во близина невино загина во сообраќај пред 2 месеци, велат од иницијативата „НаТочак“

Кај скопскиот централен парк, белиот велосипед со натпис „Велосипедист загина во близина“ симболично е врзан за знак. Овој знак информира дека овој простор е наменет исклучиво на движење на велосипедисти и пешаци, кои се најранлива група учесници во сообраќајот.

(ФОТО: МКД.мк)