Иако е познат по бројните хуманитарни дела, моментално најдобриот играч во светот Кристијано Роналдо покажа колку големо срце има.

Се работи за уште еден негов гест. Родителите на едногодишното момче Ерик Ортиз Круз, кој има заболување на мозокот, не можеле да ги платат трошоците за операција, па го замолиле Кристијано неговиот дрес да го стави на аукција и добиените пари да ги донира на родителите.

Кога слушнал за овој случај Роналдо веднаш уплатил 50.000 евра на сметка на родителите потребни за операцијата на момчето, а како знак на поддршка, направи фризура со „повреди“ кои треба да ги симболизираат лузните од операцијата на малото момче.

Ова е сигурно еден гест вреден за почитување, иако многу љубители на фудбалот не се симпатизери на овој Португалец.