Доколку сакате да избегате од градската врева, нема подобар начин отколку да си купите еден острови на Малдивите. За ова е потребно да ја олесните сметката во банка за „само“ 14 милиони долари.

Новиот сопственик на островот Оривару, со површина од 14 хектари, ќе добие и дозвола за градење на хотел и спа-центар.

Островот е дел од Нуну коралните острови, кој се наоѓа на околу 150 километри сверно од Мале, главниот град на Малдиви. Од 71 остров само 13 се населени, а најблиску е Минавару со хотелот „Хилтон“ и спа-центарот.

Инаку, Малдивите кои се состојат од 1190 острови, важат за една од најпосакуваната туристичка дестинација, поради преубавите песочни плажи и кристална вода, а и поради неверојатно разновиднот животински свет.

Дозволата за градба која се добива со купување на островот и која ја издава министерството за туризам, предвидува градење на одмаралиште со 100 луксузни соби на копно и на вода. Освен тоа, се смета  на неколку ресторани и спа-центри.

Руски инвеститор неодамна купи остров во северниот дел на коралските острови за 35 милиони долари.