Во општина Свилајнац , Србија  има пет средновековни манастири.

Според преданието некогаш биле 12, а некои од нив ги надживеале селата во кои биле изградени.

Денес овие манастири се сноним на верски туризам, се наоѓаат на брегот на Голема Морава и ги нарекуваат Ресавска Света Гора.

Се работи за Миљков манастир, манастир Златенац, манастир Томиќ, Добреш и Пресвета Богородица.

Во селото Гложане се наоѓа црква изградена во 1820 година.

Миљков манастир прв пат се спомнува во турските записи. Ѕвоното на овој манастир прво заѕвонило во слободна Србија во 1830 година, а во ова светилиште престојувале руски монаси.

Златенац е манастир кој се спомнува уште во 16 век.

Добреш е изграден во 17 век и е посветен на Свети Никола Чудотворец.