Ако сте уморни од бурното секојдневие и сакате да се нурнете за неколку минути во прекрасен свет, видете ги овие острови, оддалечени илјадници километри од континентите.

островите Галапагос

Претставуваат архипелаг од 60 острови, кои се расфрлани околу екваторот. Се наоѓаат на 972 километри од Еквадор. Познати се по убавата природа, а се опишани уште од Чарлс Дарвин, кој ги споменува во „Потеклото на видовите".

остров Ату

Се наоѓа на западниот крај на Алеутските острови, најисточната точка на САД. Растојанието до цивилизацијата е 1770 километри. Имајте на ум дека населението е само 20 луѓе. Иако времето таму е сурово, глетката е уникатна.

остров Света Елена

Сместен е меѓу водите на Атлантскиот Океан, на 2.800 километри од брегот на Африка. Откриен е од португалски морепловци во 1502 година. Островот станува многу познат благодарение на Наполеон Бонапарта, кој имал егзил тука последните години. Туристичкиот интерес за овој остров во најголем дел е поврзан токму со овој аспект од историјата. Островот е именуван по мајката на првиот христијански римски император Константин I,  Елена од Константинопол. Денес населението на Света Елена е 4255 луѓе.

Велигденски острови

Се наоѓаат во Тихиот Океан на 3514 километри од Чиле. Името е дадено од првиот запишан европски посетител на островот, холандскиот патник и истражувач Јакоб Рогевен на Велигден, 5 април 1722 година.  Кога Јакоб Рогевен пристигнува на островот, тој затекна 2000-3 000 лица од автохтоно потекло. Подоцна посети на овој остров прават и капетан Џејмс Кук, капетан Жан-Франсоа Лаперуз и други.