Ситонија дефинитивно ги поседува едни од најубавите плажи во соседна Грција.

Изобилуваат со примамлив бел песок, кристално бистра и тиркизна вода а сигурни сме и дека ќе ви станат едни од омилените поради пријатната атмосфера за опуштање која ја имаат.

Не е лесно да се одберат најубавите, затоа ние направивме листа од оние кои ги фалат туристите, а вие треба да ги посетите.

Kalamitsi

Плажа која има апсолутно сè – чисто море со прекрасна боја, ситен песок, простор колку што сакате, дел кој е одлично опремен со чадори и лежалки, како и таверни на сама плажа.

Karidi

Егзотиката на Ситонија се наоѓа токму тука. Многу лесно ќе се прелажете дека сте на некој остров на Кариби, што секако не е лошо.

Lagomandra

Супер чиста и уредна плажа, за оние кои не сакаат многу да истражуваат, туку играат на сигурно. Одлична е за со дечиња, за заљубени парови и за млади.

Kalogria

Песочна плажа со природна ладовина. Оваа плажа во сезоната е многу посетена, заради што е пожелно да одите порано. Најубавиот дел е оној близу Mango хотелот.

Orange beach (Kavourotripes)

Најпознатата плажа на Ситонија, посебно помеѓу оние кои сакаат авантуристички и недопрени места. Само внимавајте, бидејќи во екот на сезоната секогаш е полна.

Koviou 

На 6 километри од Никити, оваа малечка плажа е со прекрасна боја на морето и со малку природна сенка. Одлична е за нуркање и авантури под вода.