Членовите на клубот „Полар“ го испробаа новиот теренец Фолксваген Амарок во рекреативниот центар „Попова Шапка“. „Нескротливиот волк” меѓу теренските автомобили – Фолксваген Амарок им помогна на ентузијастичните рекреативци да стигнат до најнепристапните места и да ги скротат најдивите предели, за потоа да можат енергично да уживаат во скијањето и во бордањето. Со должина од 5,25 метри, импресивна 2,52 м2 багажна површина, простор за 1.000 кг товар, првиот европски теренец покажа дека е направен така да ги издржи најлошите услови и да стигне на местата каде што другите возила не можат да стигнат“, соопштуваат членовите на овој клуб. „Амарок“ е првиот 4-погонски пикап во својата класа со намалена СО2 емисија и револуционерна економичност, со потрошувачка од само 7,5 литри на 100 км. Неговиот ентериер содржи комфор и луксуз кои би ги очекувале од еден автомобил Фолксваген, почнувајќи од климатскиот воздушен регулатор, потоа преку темпоматот, електриката на сите прозорци, комфорното централно заклучување, паркинг- сензорите, па сe до адаптивните седишта правејќи го офроуд- патувањето комфорно како никогаш досега. Тој ја користи напреднатата технологија Volkswagen 4 Motion и во зависност од условите во кои се вози, може да се избере конфигурација на сите четири тркала или, пак, само на две. Благодарение на својот погон 4MOTION, ABS и на електронската програма за стабилизирање, Амарок е одлично возило за авантуристи, овозможувајќи максимум удобност и исклучителна крос-кантри мобилност без притоа да се бара посебен напор. Освен Амарок, членовите од клубот Полар за долгите патувања на располагање ќе имаат и уште еден убавец од програмата на Volkswagen Kомерцијални возила – Volkswagen Transporter T5 Combi, со кој можат да се превезуваат 9 патници до зимските центри.