Претседателот на Федерацијата на фармерите во Република Македонија(ФФРМ) Андрија Секуловски денеска се сретна со членовите Федерацијата од Пелагонискиот регион за да се запознае со актуелните планови и проблеми со кои се соочуваат овие фармери.

„Во Пелагонискиот регион има проблеми со сточарството и затоа правиме напори да обезбедиме поевтини производи со што ќе се амортизираат т.н. ценовни шокови. Констатиравме дека ситуацијата со откупот на тутунот, што е при крај е мирна и севкупната слика е позитивна. Сметам дека продажбата на јаболката во Преспанскиот регион ќе се оствари во целост, бидејќи годинава имаме и повеќе ладилници, посочи Секуловски.

Како заклучок од средбата во Битола беше посочено дека за полесен пласман и производство земјоделците треба што повеќе да се организираат и здружуваат во кооперативи.