„Берово е град опкружен со шуми, а дрвната индустрија е една од најзначајните во градот", истакнува беровскиот градоначалник, Драги Наџински. Во текот на манифестацијата посетителите ќе може да пробаат и купат храна и пијалаци произведени од шумски плодови, а се најавуваат и  натпревари во сечење на дрво со пила. Катче ќе има и за децата , додека за забавате одговорни ќе бидат Културно-уметничкото друштво од регионот и музичките состави „Етно Малеш" и „Етникум". Освен општината како организатор на фестивалот се јавува Националното здружение на сопственици на приватни шуми, а поддржан е од фондацијата „Поврзување на природни вредности и луѓе“ . Овој фестивал , велат од Здружението на сопственици на приватни шуми, треба да ја истакне значајноста на семејното шумарство во Македонија.