Facebook почна постепено со воведување на видеочат на Messenger. Со оваа услуга социјалната мрежа станува директен конкурент на Skype.

Засега видеочатот ќе е достапен само за мобилните оперативни системи „iOS“ и „Android“. Корисниците ќе можат да им ѕвонат на своите пријатели од телефонот, дури и ако едниот користи „Android“, а другиот „iOS“. Со видео комуникацијата ќе се прошири комуникацијата во реално време на повеќе од 600 милиони луѓе кои ја користат оваа апликацијата.

Услугата е бесплатна и стартува пробно во неколку држави. Постепено ќе биде активирана и за останатите региони, со што компанијата планира да биде подготвена во рамките на следните неколку месеци. Видео разговорите се со HD квалитет и не е ограничено нивното траење.

Во почетокот на минатиот месец Facebook објави дека е можно да се вршат плаќања за користење на Messenger. Исто така се тестира опцијата за купувања директно од страната на најголемата социјална мрежа.