Кога е во прашање оваа пресвртница, не стануваше збор за прашањето „ако“ туку „кога“. Имено, апликацијата на Facebook  стана прва не-Гуглова апликација во Play Store која има повеќе од милијарда превземања.

Facebook не само што е прва Android апликација која не ја развил Google а која ја достигнала оваа пресвртница, туку и е четврта Android апликација која премина милијарда превземања после  Google Maps, YouTube и Gmail.

Да се потсетиме, Gmail е првата апликација со повеќе од милијарда превземања и тоа се случи во март, а од тогаш на оваа група и се придружија и  Google Maps и YouTube. Facebook до овој пресврт дошол на сепак импресивен начин, при што оваа апликација не доаѓа однапред инсталирана на повеќето уреди, туку корисникот мора сам да ја инсталира.