Со новите измени на Законот за социјална заштита, ќе се  врати финансиската поддршка за мобилност за лицата со инвалидитет сместени во специјалните установи, најави министерот за труд и социјална политика, Диме Спасов, откако ги слушна барањата и потребите на овие лица. За полесно да ги остваруваат своите потреби, на овие лица ќе им бидат вратени седумте илјади денари поддршка. Спасов го повика приватниот сектор да инвестира и да ја помогне изградбата на нови детски градинки и старски домови, и тоа за само едно евро за метар квадратен и со 95% поефтини комуналии. Тој ги повика граѓаните да се вклучат во проектот и најави поддршка од надлежните ресори.