Во Приштина денес ќе се оди по решение за косовските царини.

Министерот за економија Крешник Бектеши патува на средба со косовскиот колега Бајрам Хасани а според најавите ќе разговаараат за зголемените царини на овошјето и зеленчукот што Косово ги воведе на 18 јули годинава.

Бектеши кажа дека е убеден во заедничката цел на двете земји, а  тоа е олеснување на трговијата на Западен Балкан, согласно правилата на ЦЕФТА Договорот и принципите на слободна трговија.

Косовската Влада делумно ја повлече времената мерка, но со неа останаа опфатени доматите, пиперките, јаболката, крушите, сливите, малините и грозјето, на кои отпаѓа најголемиот дел од македонскиот извоз на косовскиот пазар.

Македонија, како што соопшти вчера Министерството за земјоделство, засега не планира воведување контра - мерки, но очекува Косово целосно да ги укине зголемените царини.