Бран со рекордна висина од 19 метри е регистрирана во Атлантскиот Океан, соопшти Светската метеоролошка организација, цитирана од АФП.

Мерењето е направено на 4 февруари 2013 година меѓу Исланд и Велика Британија. За прв пат во историјата е регистриран бран со висина од 19 метри.

Претходниот рекорд од 18,275 метри е од 8 декември 2007 година, повторно во северниот Атлантски Океан.

Во северниот Атлантски Океан брановите се повисоки отколку во јужниот. Причината е дека на север движењето на ветровите и атмосферскиот притисок во текот на зимата се погодни за силни бури. 

Зоната, која е погодна за формирање на гигантски бранови, започнува крај островот Њуфаундленд и стигнува до западното британско крајбрежје. 

На денот на рекордот имаше  ветрови со брзина од 81,1 км / ч.