Австриската Стопанска Комора и оваа година организира директни бизнис средби помеѓу австриски градежни фирми, архитекти, градежни консултанти, производители и трговци на градежни материјали и обновливи извори на енергија, како и голем број на други дејности поврзани со градежништвото со заинтересирани фирми за соработка од Македонија.

Конференцијата „FutureofBuilding “ ќе се одржи на 18.04.2016  во Австриската Стопанска Комора во Виена.

Конференцијата претставува одлична можност за сите македонски компании од областа на градежништвото да остварат директни контакти со фирми од Австрија и да ги испитаат можностите за заедничка соработка.

На следниов линк, можете  да ги видите сите фирми кои се пријавени досега и сите останати релевантни информации во врска со настанот.

www.b2match.eu/building2016

Доколку сакате да учествувате на овој настан како и на директните бизнис (b2b)средби, задолжително треба да се регистрирате на ВЕБ страната те.на горенаведениот линк и да ги следите упаствата за регистрација.

Искористете ја оваа можност и посетете го овој настан, дознајте повеќе за иновативните решенија во високоградбата и при реконструкција на објекти, запознајте се со најновите технологии и достигнувања во градежништвото!

Рокот на пријавување учество  е до 04.04.2016, директните бизнис средби со австриските учесници се букираат од 18 Март до 11 Април 2016.

Учеството на настанот е бесплатно, за 5 учесници од Македонија ќе бидат покриени и трошоците за сместување во хотел од страна на организаторот на настанот. Патните трошоци Македонија-Виена-Македонија се на терет на учесниците.