Акцијата наречена  „!Здравје за сите“ денеска започна од виничкото село Драгобрашта, која во наредните два месеци ќе ја организира и реализира Јавната здравствена установа „Здрвствен дом“ од Виница.

Жителите од село Драгобрашта имаа можност да извршат бесплатни прегледи и проверка на шеќер, масти, притисок, висина и тежина, а резултатите од прегледите беа евидентирани и се даваа соодветни препораки од лекарскиот тим преводен од др.Виолета Цоневска.

Денешните бесплатни прегледи ги искористија над 70-тина жители од село Драгобрашта на возраст од 5- до 70 години. Од Здравствениот дом во Виница најавуваат вакви акции да се реализираат и во останатите населени места во општина Виница.