Според новиот закон донесен во градот Беркелеј во САД, жителите на тој град, кои имаат примања помалку од 32.000 долари годишно, а имаат лекарско одобрување за земање на марихуана во медицински цели, од идното лесто ќе добиваат марихуана бесплатно, пренесува Huffington Post.

Според новиот закон, кој едногласно е изгласан на Градскиот совет, болниците мораат да издвојат 2 посто од своите залихи за медицинска марихуана за распределба на сиромашните граѓани.

Законот веднаш наишол на многу противници.

„Тоа е без врска, зошто градот би го спонзорирал „пушењето“ на сиромашните жители, тоа само ќе придонесе кон беда и летаргија“ изјавил еден од тамошните бискупи, Рон Аллен.

Но, тие кои го поддржуваат овој закон имаат цврсти аргументи. Наведуваат дека марихуаната е позната како легален лек во Калифорнија, и затоа нема причини лекот да им биде скратен на оние на кои им е потребен, а не можат да си го дозволат.

„Постојат неколку случаи на сиромашни пациенти на кои овој лек навистина им е потребен, но за нивните приходи е доста скап и ова е единствениот начин да им се осигура медицинската употреба на марихуана“, рекол градоначалникот на Беркелеј, Том Бејтис за „The New York Times“ и така ја искажал својата јавна и недвосмислена поддршка на оваа иницијатива.