Пристигна првата група од 400 деца кои од  втори до осми јануари  ја користат бесплатна услуга за одмор и рекреација во одморалишата во Пелистер во Битола и во Бунец во Маврово.

Како што информираа од Министерството за труд и социјална политика, ова е вториот дел од Проектот користење бесплатна услуга за одмор и рекреација на 3.000 деца од семејства во социјален ризик и деца корисници на посебен додаток. Според планот треба да бидат опфатени 1000 деца кои ќе заминат на бесплатен зимски одмор.

Втората група во зимските одмаралишта ќе престојува од 8-ми до 14-ти јануари, а третата од 14-ти до 20-ти јануари со што вкупно 600 дечиња ќе заминат на одмор во одморалиштето Пелистер во Битола, а околу 400 дечиња во Бунец во Маврово.