Македонската банка за поддршка на развојот (МБПР) деновиве доби нов директор, покажуваат податоците од централниот регистар на Македонија. Дипломираниот економист Бесим Билали е новиот главен оперативен директор на МБПР. Тој доаѓа на местото на економистот Ќенан Идризи. За сега нема информации која е причината за смената на Идризи. Јавнодостапните информации покажуваат дека во Надзорниот одбор на МБПР членуваат и владини претставници. Претседател на Надзорниот одбор на банката е Оливер Костуранов, а негов заменик е Марина Блажековиќ, додека членови на МБПР се Ромела Поповиќ Трајкова, Армир Садики и Игор Димитров. Главен извршен директор на банката пак, е Драган Мартиновски.