Компанијата АрцелорМиттал Скопје и оваа година традиционално го одбележува “Ден на Потрошувачите 2014”. Овогодинешниот трет по ред “Ден на Потрошувачите” ќе се одржи во хотелот Холидеј Ин во Скопје и истиот претставува еден од најголемите настани за компанијата АрцелорМиттал Скопје. На настанот ќе присуствуваат повеќе од 200 потрошувачи од повеќе од 12 земји од регионот и Европа, како и исклучително важни гости од АрцелорМиттал групацијата и тоа г. Бруно Рибо кој инаку е ЦЕО на АрцелорМиттал Романија и ЦЕО на АрцелорМиттал за Бизнис Дивизија Исток, како и г. Жан-Мартин Ван дер Хувен ЦMО на Flat Carbon Europe. Во склоп на одбележувањето на “Ден на Потрошувачите 2014”, предвидена е и посета на фабриката АрцелорМиттал Скопје. За време на самиот настан ќе бидат претставени најновите достигнувања и идните планови на компанијата во Македонија.