Руската Сојузна антимонополна служба (ФАС) утврди дека американскиот технолошки гигант Apple манипулирал со цените на iPhone 5 и 6 во Русија преку својата ќерка компанија таму „Эппл Рус“. 

Друштвото следeло по какви цени се продаваат уредите од препродавачите, и ако некој од нив си дозволи да ги промени или да направи промоција, биле предупредени.

Според зборовите на заменик-шефот на ФАС Андреј Цариковски Apple има три месеци да поднесе жалба на одлуката. Регулаторот парично ќе ја казни компанијата која е еднаква на 15% од нејзиниот промет во земјата.

Руската поделба на американската компанија ги следела цените на уредите и ако тие се „несоодветни“ испраќала пораки до трговците со барање тие да бидат променети. Ако тоа не е направено, тогаш препродавачот требало да го загуби правото да продава iPhone уреди.

Во манипулацијата на цените на уредите iPhone 5, 5S и iPhone 6 и 6S учествувале 16 трговци. Цените на iPhone 7 не се изманипулирани.

Истрагата на рускиот антимонополен регулатор е започната во август 2016 година и е утврдено дека определувањето на цените е пракса од неколку години. Apple соработувал на службата, обезбедувајќи сите потребни материјали за случајот. Исто така во официјалното соопштение на регулаторот се вели дека практиката е прекината.