Фондот за здравствено осигурување на Македонија од 1-ви јануари го стартува проектот за системско скенирање на здравјето на луѓето од 14 до 65 години. Сите кои ќе добијат повик од матичниот лекар, без оглед дали се здрави или болни, ќе мора да одговорат за да направат преглед и лабораториски испитувања, со цел откривање и спречување евентуален развој на кардиоваскуларни, бубрежни или дијабетични заболувања. Целта на овој проект е развивање на превенцијата, односно што поголем број луѓе да бидат заштитени од најчестите заболувања на денешницата. Со проектот се опфатени 1 милион и 200 илјади лица.