Оваа недела започна емитувањето на шоуто Еден на Еден на тв Алфа. Она што продукцијата го најави, тоа и го исполни - вистинско ток шоу по сите стандарди кои со децении функционираат на запад. Новите ликови во емисијата си ја завршија работата, скечевите беа исклучително интересни, а Пеперминт се покажаа во супер издание, различно од она во кое сме навикнале да ги гледаме. Влатко Стефановски зборуваше за новиот албум, спот и турнеја, а не одби да зборува и за некои приватни теми и сподели неколку интересни семејни случки. Во паузата меѓу двете интервјуа Жаре и Влатко се пресметаа еден на еден во баскет, а потоа Александар Поповски зборуваше за неговиот нов филм. Жаре не пропушти да го праша и за некои постари искуства, па Ацо раскажа неколку интересни приказни поврзани со холивудските ѕвезди Џорџ Клуни и Раде Шербеџија. Следната епизода е во недела, 19:40 на Алфа тв, а гости се шоуменот Игор Џамбазов и менталистот и магионичар Душан Петковски. Погледнете ја целата емисија на линкот - http://youtu.be/8SA-qYCJWWc