Титаникот во Белфаст е прогласен за најголема туристичка атракција во Европа.

Овој музеј така ги лизна од тронот Ајфеловата кула и Бакингамската палата. Титаник во Белфаст привлече три милиони посетители од повеќе од 145 земји од отворањето во 2012 година.

Сега стана прва локација во Северна Ирска која ја доби оваа награда. Музејот ја слави историјата на бродоизградба во Белфаст и создавањето на Титаник, најпознатиот патнички брод кој влезе во легендите.

Музејот се наоѓа на местото од кое Титаник исплови на своето прво и последно патување.

„Воодушевени сме што сме прогласени за најдобра туристичка атракција во Европа“, вели извршниот директор на музејот Тим Хасбандс.

Од отворањето на Титаник во Белфаст се продадени 338 000 разгледници и 20 000 снежни кугли со фигурата на Титаник.

Инаку, Северна Ирска благодарение на Музејот, но и популарната серија „Игра на престолот“ која во еден дел е снимана таму, лани ја посетиле рекордни 2,3 милиони луѓе.