„Африканска свинска чума“ ја „демне“ Македонија. АХВ уверува дека во земјава нема заболен добиток
Последните неколку денови во соседна Бугарија се
уништуваат свињите во местата каде што добитокот е заразен со болеста „
африканска свинска чума“. Од Агенцијата за храна и ветеринарство уверуваат дека
во Македонија нема африканска свинска чума. Но, исто така од агенцијата
потенцираат дека се превземаат и потребните безбедносни мерки.
АХВ ги предупредува граѓаните кои патуваат да не внесуваат во Македонија храна од животинско потекло, а за сточарите апелираат свињите да не ги одгледуваат на отворено.
Агенцијата за поголема безбедност воведе и забрана за увоз. Поради сезоната на годинишни одмори и почести патувања надвор од државата, АХВ бара од Царинската управа да прави поголеми контроли на багажот на патниците.
Болеста „африканска свинска чума“ е проширена и во Романија, но и во други држави од Источна Европа. Болеста не е опасна за луѓето, но го уништува добитокот.
Слично
Поврзани вести
