Државниот инспекторат за земјоделство при вршење вонреден инспкециски надзор на подрачјето на Прилеп кај два правни субјекти констатирал прекршок за поседување, набавување и продажба на мрежи спротивно на законските прописи.

Како што изјави денеска во Куманово Мери Петровска, инспектор при Државниот инспекторат за земјоделство акцијата е спроведена на 26 јануари, годинава согласно Законот за рибарство и акавакултура.

- На двата правни субјекти им е изречена забрана за вршење дејност и 7.000 евра глоба. Воедно, во акцијата се најдени и две физички лица кои вршеа промет на риба на недозоволено место, на кои им е изречена глоба во вкупна вредност од 2.000 евра, изјави Петровска.

Во акцијата биле запленети риболовен прибор и 22 килограми риба. Во приборот имало 105 мрежи од кои 22 биле со должина поголема од 50 метри. Од Државниот инспекторат за земјодлство најавуваат дека ќе продолжат со акциите.